Meeqqat atuarfianni karakterinut paasissutissat kisitsisaataasivimmiilerput

Meeqqat atuarfiannit karakteerit aamma alloriarfinni misilitsinnerit inerneri ullumimiit kisitsisaataasivimmiilerput bank.stat.gl.

 

2008-miit 2017-imut meeqqat atuarfianni soraarummeernernit kisitsisitigut paasissutissat siullermeerlutik saqqummerseinneqarput. Tabellit meeqqat atuarfiannit soraarummeertunit aamma FA-mik soraarummeeruteqartut karakteerisa agguaqatigiisinnerinik imaqarput, kommuninut suiaassutsinut atuarfinnullu immikkoortillugit aamma karakteerit agguarneri kommuninut immikkoortinneqarput.

 

2009-miit 2017-imut meeqqat atuarfianni alloriarfinni misilitsinnerit inerneri siullermeerlutik saqqummersinneqarput. Tabellit meeqqat atuarfianni 3. klassit aamma 7. klassit inerniliillaqqissuaanik (pct.-inngortitanik) imaqarput, kommuninut suiaassutsinut, najuaqarfinnut kiisalu atuarfinnut immikkoortitaasunik.

 

Kisitsisit siusinnerusukkit Ilinniartitaanermut Pisortaqarfimmit Angusat-nik taallugu saqqummersinneqartarput. Kisitsisit ajornannginnerusumik tamanit aaneqarsinnaalernissaat kisitsisaataasivimmut ilineqarnerinut pissutaavoq. Maanna kisitsisaataasivk atorlugu ajornannginnerusumik nalunannginnerusumillu meeqqat atuarfianni karakteerit ineriartorsimanerat aamma alloriarfinni misilitsinnerit inernerisa ineriartorsimanerat takuneqarsinnaalerput.

 

Periutsinik paasisaqarusukkuit innersuussutigineqarpoq immikkoortoq Periaaseq misissuataassagit.

 

Immikkut maluginiaqquneqarpoq kisitsisitigut paasissutissani taamaallaat meeqqat atuarfianni soraarummeernerit inerneri aamma meeqqat atuarfianni alloriarfinni misilitsinnerit pineqarmata. Meeqqat atuarfianni soraarummeersimanngitsut aamma meeqqat atuarfianni alloriarfinni misilitsissimanngitsut kisitsisaatigineqanngillat.